Joana Otxoa de Alaizak eta Alex Gurrutxagak sortutako obra honetan, Xabier Leteren barne munduan murgilduko gara. Poetaren izaera eta pentsamendua ezagutzeko parada dugu, eta baita haren kantu eta poemek iradokitako musika berriez gozatzeko ere.

Hitzez hornitutako piano kontzertu bat da, edo, bestela esanda, piano musikaz jantziriko kontakizun bat.

Ikuskizuna 2020ko Eusko Ikaskuntza-Laboral Kutxa sariaren fruitu da. Propio atondutako testuen bidez, Gurrutxagak Leteren poetikan eta bizipenetan gidatuko gaitu. Otxoa de Alaizak pianoan eskainiko dituen piezek Lete dute inspirazio, poetaren interpretazio berriranzko bidean.

SARRERA

Xabier Leteren figura (1944-2010) ezaguna eta estimatua da Euskal Herriko txoko guztietan. Poeta
handia izan zen, eta bere abestiak, garai hartako beste kantari askorenak bezala, euskaldunon oroimen kolektiboan geratu dira. Zalantzarik gabe, interes literario, musikal eta kultural handiko obra da Leterena.

Askotan, ordea, ez dugu denborarik hartzen halako obra batera patxadaz gerturatzeko; ez daukagu
tarterik bere kantuek zer esaten duten pentsatzeko, kantariak bere piezekin zer esan nahi zigun galdetzeko...

Txori kantazale emanaldiak parentesi bat proposatzen du, geldialdi labur bat eguneroko bizitzan,
Leteren obran atseginez murgiltzeko eta haren hitz eta musikekin beste behin hunkitzeko.

“Askotan ez daukagu tarterik bere kantuek zer esaten duten pentsatzeko,
kantariak bere piezekin zer esan nahi zigun galdetzeko...”

EMANALDIAREN DESKRIBAPENA

Txori kantazalek piano doinuak eta hitza uztartzen ditu. Hitzez lagundutako piano kontzertu bat
da, edo, bestela esanda, piano musikaz jantziriko kontakizun bat. Edonola ere, Leteren unibertsoan
elkarrekin sartzeko aukera bat eskaintzen du, eta obra hori barruragotik berrezagutzekoa.

Ordubeteko narrazio etengabe bat da emanaldiaren ardatza. Bide horretan, Leteren abestien
berrinterpretazio landuak eskainiko ditugu, baita haren gustuko melodiak ere. Bere testuen artean
ibiliko gara, poema ezagun nahiz ezezagunei erreparatuz. Eta Leteren bizi-ibilbidea ebokatuko dugu.

Ez dugu Txori kantazale espektakulu gisa ulertzen, Leteren barne-munduan elkarrekin murgiltzeko
enkontru bat bezala baizik. Izan ere, Joana Otxoa de Alaizak Leteren unibertso poetikoa pianoaren
zuri-beltzera eraman du, eta sortu duen musikak poeta kantariaren ildoan jarriko gaitu. Alex Gurrutxagaren azalpen eta errezitazioek lagunduko digute bidean aurrera egiten.

“Ez dugu Txori kantazale espektakulu gisa ulertzen,
Leteren barne-munduan elkarrekin murgiltzeko enkontru bat bezala baizik.”



Txori Kantazale - Dossierra (.pdf 1.15Mb)

Kontaktua: txorikantazale@gmail.com
Telef: 630 666 256

DISKO-LIBURUAREN FITXA TEKNIKOA Egileak: Joana Otxoa de Alaiza Gracia (musika) – Alex Gurrutxaga Muxika (testua) Izenburua: TXORI KANTAZALE. Xabier Leteren ildoan Argitalpena: AZTARNA (2022) - AZ022 ISBN: 978-84-09-40601-2 Liburuaren orrialde kopurua: 56. Prezioa: 20 euro Musikaren edizioa, nahasketak, soinu-trataera eta masterizazio digitala: Juanan Ros – El Cantón de la Soledad Estudios. Azalak eta ilustrazioak: Manu Urbieta Diseinua eta maketazioa: Grafikoki Testuaren orrazketa: Beatriz Zabalondo eta J. L. Aranguren ‘Txiliku’ Margolanen argazkiak eta egokitzapena: Itziar Garaluze Egileen erretratuak: Garazi Ugalde

HALA BEDI IRRATIA.
2021eko abenduaren 2an - Elkarrizketa.
Joana Otxoa de Alaiza (Txori Kantazale):.
«Gure asmoa izan da Xabier Leteren mundura hurbiltzea jendea». .

.
. .