Alboka folk taldeko sortzaileetariko bat dugu Alan Griffin. Euskal musika herrikoiaren esparruan kantutegiko doinu inedito edo ezezagunen bilaketan naiz kutsu zaharreko kantu eta dantzen sortzaile, Alboka taldearekin 5 CD sortu, ekoiztu eta grabatu ditu eta ehundaka emanaldi eskeini ditu Euskal Herrian naiz Europa, Amerika eta Afrikako hainbat jaialdi esanguratsuetan.

Alboka (Aztarna, 1994)

Bi beso lur (Aztarna, 1998)

Lorius (Resistencia, 2001)

Lau anaiak (Elkar, 2004)

Lurra, ur, haize (Aztarna, 2017)

2002. urtean Alboka taldearen Lorius diska, SGAE-AIEk sortutako Academia de las Artes y las Ciencias-ek urtero banatzen zuen Euskerazko diskarik onenaren finalean aritu zen beste birekin batera. .
2005. urtean Lau anaiak kanta, Griffin-ek sortua,SGAE-AIEk sortutako Academia de las Artes y las Ciencias-ek urtero banatzen zuen Euskerazko kanturik onenaren finalean aritu zen beste birekin batera.
Urte hartan Lau anaiak diska mundu mailako folk diska onenen artean aukeratua izan zen Folkworld aldizkari alemaniarraren arabera. 2004. urtean TVE-k, Griffin-ek sortutako Hegohaizea doinua aukeratu zuen egunero eskeintzen zuen San Ferminetako
entzierroa musikaz girotzeko.

Alan Griffinek sortutako hainbat doinu: Jauntxoa (fandangoa), Txakur berdea, e Hi, zelta! (arin-arinak), Fitaren bila (kalejira), Adarra (mazurka) edo Hanka hotzak (ezpatadantza) gaur egungo albokarien ohiko errepertorioan aurkitu daitezke baita 2013. urtean Juan Mari Beltran-ek argitaratutako Alboka: Inguru folklorikotik eskolara liburuan.

Urte batzuetatik hona euskal kantu narratiboen esparruan murgildu da Alan Griffin, ikerketa sakon bat eginaz doinu zaharren inguruan. 2006. urtean Aintzina taldea sortu zuen hauetariko hainbat kantu inedito errekuperatuaz eta genero hontan doinu berriak konposatuaz. Aintzina taldeak 2 CD argitaratu ditu Alan Griffin-en zuzendaritzapean, bera delarik ikertzaile eta moldatzaile nabarmenena.

Suitian (Aztarna, 2009)

Kosinatik kanberala (Aztarna, 2011)

2007. urtean , J.A.M. Ossés luthierrarekin aritu zen elkarlanean Re tonoan zegoen alboka bat sortzearren, oktaba osoko tesitura eta hainbat aukera kromatiko berriekin. Hernanin 2007ko azaroaren 18an XIV. Albokarien Topaketaren barruan ospatu zen Tailerrean, Griffinek eta Ossesek gerora albokarien artean harrera oso ona izan duen instrumentu hau aurkeztu zuten.

Musika irlandarren esparruan, interpretatzaile eta irakasle moduan, Alan Griffinek emanaldi ugari eskeini ditu Frantziako hegoaldean bai eta flauta irlandarrari buruzko mintegiak.
Estilo honetako musika eskeintzen duen Turlach taldeko kidea dugu Alan.

2011. urtean Interfolk aldizkarian hasi zen musika herrikoiari buruzko artikuloak idazten.

2016. urtean HALFWAY TO HELL - Albokarako 33 doinu - 333 Tunes For The Alboka liburua argitaratu zuen.